gurekin

Miley Cyrus (Destiny Hope Cyrus) 1992ko azaroaren 23an jaio zen Franklinen, Nashvilleko auzo batean (Tennesse, EEBB), eta gaur egun bai aktoresa eta bai abeslari ezaguna da. Bera da Disney Channel-en “Hannah Montana” telesailaren protagonista.
Bera “Heritage Middle School” izeneko eskola batera joan zen, baina orain tutore pribatu bat du. Nashvilleko backwoodseko bere gurasoen granjan hazi zen. Billy Ray Cyrus (alaba bezala, aktore eta abeslaria) eta Leticia “Tish” Cyrusen alaba da eta lau anai-arreba ditu: Christopher Cody, Brandi, Braison, eta bera baino ahizpa gazteago bat, Noah Lindsey, Bera bezala aktoresa dena. Destinity Hope (patua eta esperantza) izena jarri zioten, bere gurasoek gauza handiak lortuko zituela uste baitzuten. Baina, beranduago, izena aldatu zioten Miley izena jarriaz.
Neskato hau bere aita telebistan agertzen ikusi zuenean hasi zen mundu horretaz interesatzen. Gainera, bere aitak lan egin zuen telesail berdinean egin zuen lan Kylie zelako bat interpretatzen. 2003. urtean Ruthie izeneko nerabe bat interpretatu zuen Tim Burtonen pelikula batean. “If Heartaches Have Wings” izeneko bideo musikal batean ere atera zen eta baita “Colgate Country Showdown” telesaiokoan ere, bere aitarekin batera.
Mileyk 11 urte baino ez zituen Disney Channel-erako “Best Friend” izeneko telesaila grabatu zuenean (orduan, Disney Channel-eko exekutibo eta presidentearen ustez, oraindik gazteegia zen telesailetan parte hartzeko). Baina, urte bat (gutxi-gora-behera) pasa ondoren Disney Channel-en “Hannah Montana” telesailerako hautatu zuten. Gainera, bere abesteko eta lan egiteko energia eta umoreari esker munduan zehar “Hilary Duff berria” dela ere esaten dute.
Bere lehen gitarra “Daisy Rock Guitar” izeneko bat izan zen eta bere gurasoek eman zioten 12 urte zituenean, “Country Music Television” izeneko programa batean. Horrela, Miley, aktoresa eta abeslari izateaz gain, konpositore ere bihurtu zen.
2006ko urriaren 24an, Walt Disney Records agentziak bere diskoa kaleratu zuen. Diskoan telesaileko 8 abesti sartu zituzten eta beste guztiak neskatxak eginak dira.
Disney Channel-eko “Hannah Montana” telesailean, Miley Cyrusekin batera, Emily Osment eta Mitchel Musso gazteek ere egiten dute lan.

“High School Musical” Disney Channel-en pelikula original bat da, istorio ederra kontatzen du, kanta politak ditu eta Disney Channel-i arrakasta handia eman dio bere promozio bikainagatik.
“High School Musical”ek transmisio originaletako errekorrak gainditu zituen lehen aldiz telebistan estreinatu zenean, 2006ko urtarrilaren 20an. Estatu Batuetan, adibidez, 30 milioi pertsonatik gorak ikusi zuten filma telebistan emititu zutenean, eta honen diskoa aste mordoz egon zen arrakasten zerrendako lehen postuan. “High School Musical”en CDak eta DVDak dendetako irudi ohikoa bihurtu ziren.
Pelikula hau egiten 5 milioi dolar gastatu arren, jada 36 milioi ikusle ditu. Bere estreinaldian 7 milioi ikusle izan zituen, horrela Disney Channel-en musikal ikusiena bihurtuaz batera. Gainera,bai CDak eta bai DVDak horrenbeste saldu dira, Guiness errekor berria lortu dutela historiako salduenak izateagatik eta, salmentei esker, 100 milioi dolar lortzeagatik urte bateko epean. Hori gutxi ez balitz, pelikulak 8 sari irabazi ditu eta beste 6 sari lortzeko puntuan egon da.

PERTSONAIA GARRANTZITSUENAK

Troy Bolton
(Zac Efron) Filmaren protagonista maskulinoa da, eskolako saskibaloi taldeko (Wildcats-ak) kapitaina. Baina, Gabriellarekin duoan abesti bat kantatu ondoren bere bizitzan saskibaloiaz aparte gustatzen zaizkion beste gauza batzuk ere badaudela jakiten du. Baina, berarentzat harrigarria bada ere, Gabriellarekin aurkitzen da East High School-eko ikasturte berriaren hasieran eta neska bere gelakidea izango dela jakiten du. Baina eskolako musikalerako audizioak hasten direnean, kantuak berriro elkartzen ditu desafio bati aurre egiteko: presentatu eta paperak lortu.
Gabriella Montez
(Vanessa Anne Hudgens) Filmaren protagonista femeninoa da, lotsatia eta oso ikasle ona eta azkarra da bera. Udako oporren amaieran, bere lagunek karaoke batean abestea bultzatu zutenean, ezagutu zuen Troy Bolton (hau ere bere lagunek bultzatu zuten). Denak harri eta zur uzten ditu neskak bere nota onak direla eta, baina bera musika ere garrantzitsua dela hasten da pentsatzen, eta, horregatik, Troyekin eskolako musikalean abestea erabakitzen du. Gainera, Gabriellari Troy gustatzen zaio eta Troyri ere bai bera.
Sharpay Evans
(Ashley Tisdale) Filmeko antagonista da, hau da, pelikulako gaiztoa. Eskolako ederrena dela suposatzen da eta ondo jantzita ibiltzen da beti, ilehoria da eta sinetsi hutsa da. Berak, bere anaia Ryanekin batera, Troy eta Gabriellaren aurka lehiatzen dira eskolako musikalean. Berak inoiz ez zuen imajinatuko irabazi egingo zietela, berak East High School-eko 17 obra baino gehiagotako protagonista izan delarik. Baina pelikularen amaieran amore eman eta Gabiellari zorte ona opatzen dio.
Ryan Evans
(Lucas Grabeel) Ryan Sharpayren, bere aktuazioetako bikote eta bikietako jatorrenaren, anaia biki ilehoria da. Biek batera eskolako musikal askotan hartu dute parte. Ryan ez da oso elegantea eta txapela eta biserak erabiltzeko mania bat duela esan daiteke, pelikulan bederatzi desberdin erabiltzen bai ditu.
Taylor McKessie
(Monique Coleman) East High School-eko zientzietako liderra da, Decatlon Akademikoan hartzen du parte. Bera izan da Gabriellaren lagunik onena hau eskolara iritsi zenean, eta, hori aprobetxatuz, berari ere Dekatlon Akademikoan parte hartzeko eskatzen dio. Hasieran, Gabriellari bere kantatzeko ideia hori burutik kentzen ahalegindu arren, azkenean animatzen amaitu zuen. Filmaren amaieran, Taylor Chadekin irteten hasten da.
Chad Danforth
(Corbin Bleu) Troyren lagunik eta gelakiderik onena da. Troyren moduan, saskibaloiko taldean dago. Hasieran, Chad ez dago ados Troyren abesteko ideiarekin. Berak pentsatzen du musikalak ez direla saskibaloi jokalarientzat. Hala ere, abestea Troyri gustatzen zaion zerbait dela onrtzen du azkenean eta bere laguna animatzen du. Filmaren amaieran, Chadek Taylori irteteko eskatzen dio.

Mary-Kate Olsen eta Ashley Fuller Olsen 1986ko ekainaren 13an jaio ziren Sherman Oaksen (Kalifornia). Aktoresak izatetik aparte, enpresa erraldoi baten jabe dira. Neska hauek oso famatuak egin dira, izan ere, beren gurasoei esker (David Olsen eta Jarnette Jones), 9 hilabete zituztenetik ez diote ez telebistan eta ez pelikuletan azaltzeari utzi biki hauek. Gainera, beraientzat arau bat balitz bezala, beti batera izan dira telebistako programetan, pelikuletan, erreportajeetan, gala ofizialetan… eta haur zirenetik bilioi bat dolar baino gehiago izan dituzte euren menpe.

Biki hauek beraien aktoresa karrera “Full House” telesailean (1987. urtean estreinatua) hasi zuten. Nahiz eta 5 hilabeterekin kontratatuak izan ziren, 9 hilabete zituztenean hasi ziren lanean. Telesail hau oso famatua egin zen 80ko hamarkadaren amaieran eta baita 90ko hamarkadan ere. Baina jendeak ez zekiena zera zen, bikiek pertsona bakarra interpretatzen zutela, hau da, Michelle Tanner, eta neskatoak aldatu egiten zituzten grabaketetan, horrela haur aktoreen legea bete ahal izateko. Baina, jendeak Michelle Tanneren papera egiten zuena bakarra zela uste zuenean (Mary Kate Ashley Olsen izena zuena), bikiek eta gurasoek pertsona desberdinak zirela esan behar izan zuten.

Denbora gutxiren buruan telesailaren amaiera izan zen, baina, hala ere, neskatxek beraien pertsonaiaren argazkiak saldu zituzten. Beraien izenak oso entzunak bilakatu ziren mundu osoan, bai euren negozioengatik eta bai euren arropak, koloniak, aldizkariak, publizitateak, filmak, eta baita bideojokoen (“Mary Kate and Ashley’s Magical Mystery Mall” ) salmenta ikaragarriengatik. Gaur egun, bai Ashley Olsen eta Mary Kate Olsen oso ezagunak dira oraigo nerabeen modan, Hollywoodeko beste haurren bideak jarraituz (Shirley Temple, Ron Howard, eta Macaulay Culkin, beste batzuen artean).

“The Adventures of Mary-Kate and Ashley”filmean eta ABCrako egin zuten “Two of a Kind” programan, horrela “So Little Time” telesailean bezalaxe, parte hartu zuten. Beraiek idatziriko liburu sorta handi bat ere badute. Baina, 2004. urtean denok harri eta zur utzi gintuzten Unibertsitatera joago zirela jakinarazi zutenean; hori, jakinda ia aktore eta aktoresa nerabe gehienek nahiago izaten dutela beraien lana egiten jarraitu. Baina, hala ere, badaude ikasten jarraitzea erabakitzen dutenak ere (Brooke Shields, Jodie Foster, Julia Stiles eta Natalie Portman, adibidez). Orain, Ashley Psikologia ari da ikasten eta Mary Kate, berriz, Argazkilaritza.

Hau dena gutxi ez balitz, bikiek Hollywoodeko famaren paseoko izar bat lortu zuten 2004ko apirilaren 29an. Beraiek izan dira izar hori lortzen duten gazteenak eta izar bakoitzak 500 milioi dolar balio duela estimatzen da.

Zachary David Alexander Efron 1987ko urriaren 18an jaio zen San Luis Obispon, (Kalifornia). Bere gurasoak, David Efron, argiketaria, eta Starla Baskett, idazkaria izandakoa, judutarrak izan arren, berak ez du erlijio hau praktikatzen. Gainera, anaia bat du, Dylan, Dreamer eta Puppy izeneko bi txakur Australiar eta Simon izeneko katu bat. 11 urte zituela jakin zuen primeran abesten zuela eta
kasting batera aurkeztu ondoren, bera bezala, finalean zeuden beste 90 pertsonen artean aukeratu zuten eta “Peter Pan”, “Little Shop of Horrors”, “The Music Man”eta “Mame” musikaletan parte hartu zuen.

2002. urtean, Zacek telebistako telesailetan egin zuen lan; euren artean “Firefly”, “ER” eta “The Guardian”.

Zac Efron famatua egin zen “Cameron Bale” telesaiean parte hartu zuenean eta, bere aitari esker, “Summerland” telesaiean azaltzen hasi zenetik, Efron kastingetako aurpegi ohikoa bihurtu zen bere lankide Kay Panabaker, Lori Loughlin eta Jesse McCartneyri esker. “Summerland”en azaldu zenetik aurrera, pertsonai desberdinak ere egin ditu “CSI Miami”, “NCIS: Naval Criminal Investigative Service”, “The Suite Life of Zack and Cody” eta “The Replacements” telesailetan.

2003. urtean, berriz, telebistako programa bat aurkezten hasi zen, “Miracle Run”. Bertan Steven Morganekin egin zuen lan. Gainera, 2005. urtean, ia, aktuazio onena egin zuen artista gazteena izateagatik telebistako sari bat irabazi zuen eta, geroago, Hope Partlow zuzendariaren musikal batean agertu zen, “Sick Inside”.
2006an gure artista Dysney Channelen “High School Musical” film-musikalean egin zuen lan Troy Balton izeneko institutuko saskibaloi taldeko kapitaina interpretatzen, eta Vanessa Hudgens, Ashley Tisdale eta Monique Coleman aktoresekin lan egiteko aukera izan zuen; hala ere, lehenago ere egin zuen hauekin topo “The Suite Life of Zack and Cody” telesailean, eta baita bere lankide Lucas Grabeel eta Corbin Bleuk. Film honi esker nerabeen artean gehien gustatzen den aktorea bihurtu zen eta baita abeslari famatua ere.

Efronek sekulako arrakasta izan zuen 2006ko otsailaren 4an hasi zen astean, “High School Musical”en Vanessa Hudgensekin duoan abesten zituen bi kantengatik (“Get’cha Head In the Game” eta “Breaking Free”). Hurrengo asteetan ere asko entzun ziren musikalean abesten zituen beste kantak ere, “Get’cha Head in the Game”, “Start of Something New”, “Breaking Free”eta, nola ez, “We’re all in this Together” (Filmearen kanpaina publizitariorako autatu zuten abestia).

Eta, 2006ko ekainean, Zacek “Hairspray” izeneko pelikula batean parte hartzeko saiakera egin eta lortu egin zuen eta, horrela, Amanda Bynes, Queen Latifah eta John Travolta bezain artista bikainekin egin du lan. Eta, gainera, Zacek bere ile luzea oztu behar izan zuen filmeko papera egin ahal izateko.
Hori gutxi ez balitz, 2006ko azaroan “High School Musical”engatik musikal ikusieneko aktore gazte onenak izateagatik saritu zituzten bai bera eta bai bere laguna, Vanessa Hudgens.

Jesse McCartney 1987ko apirilaren 9an jaio zen New Yorken, beraz, 20 urte egingo ditu laster. Bi anai gazteago ditu, Lea eta Timmy eta bere kirolik gogokoenak surfean aritzea, beisbolean jolastea eta eskiatzea, elurretan nahiz uretan, dira. Gehien gustatzen zaion kolorea laranja da eta bi xagu ditu maskota moduan, Mocha eta Blanche. Gainera, beldurra die intsektuei.

Artisten familia batetik dator, bere gurasoek, Ginger eta Scot McCartneyk udazkenero praktikatzen zuten bi hilabetez gero, abenduan, musikal handiak presentatzeko; abeslari bikainak ziren eta, nahiz eta orain ez dabiltzan horretan lanean, ongi abesten jarraituko dutela pentsatzen dut.

Jessei bere musikarako zaletasuna auzoko teatroko obra bat egiten ari zela azaldu zitzaion, bere paperak abestiren bat edo beste kantatzea eskatzen zion eta. Gainera, aktore bezala, arrakasta handia lortu zuen 1997an, “The King and I” izeneko obran, Brodwayen. 11 urterekin, berriz, “Sexto Sentido” pelikulako umearena egiteko kasting batera presentatu zen, baina huts egin zuen, ez zuten hartu eta 1998ko ekainean, Jesse, ABCren “All My Children” telesailerako aukeratua izan zen. Telesailean egin zuen lana zine eta telebista enpresa askok goraipatua izan zen eta Emmy saria jasotzeko aukeratuetako bat izan zen 2001. urtean eta 2002. urtean aktore gazterik onenaren moduan.

Geroztik telesai askotan hartu du parte eta paperen bat edo beste ere egin du The Pirates in Central Park” eta “Pizza” pelikuletan. “Sugar Beats” taldera sartu zenean egin zuen bere lehen musikala eta, horri esker, izan zuen bere lehenengo Grammy saria jasotzeko aukeratuetako bat izateko aukera. Jessek 12 urte bete zituenean 2000 mutilen artean aukeratua izan zen “Dream Street” musika taldearen zati izateko eta 3 urte eta erdiz egon zen bertan beste 4 mutilekin.

Talde honen azken albumak salmenten lehen postua hartu zuen denbora luze batez eta zilarrezko diskoa saria jaso zuten albumagatik. Talde honetan zebilela, Jessek bere lehen bira egin zuen Britney Spears eta Aron Carten abeslariekin. Gainera, taldearen abesti batzuk “Pokemon 2000” eta “The little Vampire” pelikuletan agertu ziren.

Taldea utzi eta 2 urtera, bere lehenengo taldearen, “Sugar Beats”en, produktorearekin elkartu zen eta bien artean “Jump Ahead Productions” produkzio enpresa sortu zuten. Ordurako Jesse abeslari profesionala zen.

Azkenik, 2004. urtean, bere bakarkako lehen albuma grabatu zuen, “Beautiful Soul”, eta “multi” zilarrezko diskoa lortu zuen Jessek.

2004 eta 2005 urteen tartean ere oso famatua egin da “Summerland” telesailean egiten zuen bere gurasoen hilketaren ondorioz bere izebaren etxean bizi zen surf-ariaren papera eginez.

Estatu Batuetan 2006ko azaroaren 19an kaleratu zen bere azken diskoa, “Right Where You Want Me”. Bertako 12 abestietatik 11 berak idatzi eta eginak dira.

Ashley Tisdale 1985ko Uztailaren 2an jaio zen, beraz, orain, 22 urte ditu eta, bere lanak eskatzen diolako, Los
Angelesen bizi da bere txakurrarekin (Blondie). Bere lagunik onena Jennifer Tisdale da, bere bidea jarraituz aktoresa egin den bere ahizpa nagusia. Ashleyren kolore gustukoena arrosa da eta shushia eta pizza ditu janari gustukoenak. Bere film gustukoenak “Just Married”, “My Best Friends Wedding” eta “How to Lose a Guy in 10 Days” dira. Lanik ez duenean abestea, egun osoa erosketak egiten pasatzea edo lagunekin hirian zehar ibiltzea gustatzen zaio.

Bill Perlman, Ashley Tisdale errepresentatzen jarraitzen duen managerra, izan zen neska honen kanturako eta antzerkirako talentua deskubritu zuena, Ashleyk 3 urte baino ez zituenean. Beranduago film batean parte hartzeko kasting batera iristen lagundu zion gizonak, baina, zoritxarrez, ez zuten hartu. Hala ere, Ashley saiatu eta saiatu ibili zen paperen bat lortzeko nahiz kantuan aritzeko. Eta bere lan gogorrari esker, 8 urte zituela, mundu guztitik etorri ziren neska mordo baten artean aukeratua izan zen pelikula batean parte hartzeko. Ez zen beste munduko ezer, baina Ashleyk oso ondo egin zuen.Urte hartan bertan Brodway-ko “Les Miserables” musikalean parte hartzeko eskaitza bat izan zuen eta eskaintza hura onartu zuen. Ondorengo urtean “Annie” musikaleko kastinga gainditu zuen eta munduko hiri handienetan ibili zen musikal honetan lanean. Gainera, Etxe Zurian abestu zuen 12 urte zituenean.
Baina, gaur egun Disney Chanelen emititzen duten “Hotel dulce hotel, las aventuras de Zack y Cody” telesailean egin zen famatu Maddie-ren, Tipton izeneko hotel batean gozokiak saltzen eta bertako jatetxean abesten duen andere baten bikiak zaintzen lan egiten duen neskaren, papera egiten.

Gainera, duela gutxi sekulako arraksta izan duen “High School Musical”pelikula musikalean, Kenny Ortegak zuzenduriko filmean, parte hartu duenetik benetan famatu bihurtu da eta, gainera, Zac Efron eta Vanessa Hudges bezalako aktoreekin egin du lan. Pelikula hau 2006ko urtarrilean estreinatu zen eta Disney Chanelen historian ikusle gehien izan dituen filmea izan da. Bertan, Ashleyk, 2 abesti abesten ditu, “Bob to the top” eta “What I´ve been looking for”, hain zuzen ere.

Hori dena gutxi ez balitz, laster estreinatuko den “High School Musical 2”n ikus dezakegu eta film honen bigarren zatia lehenengoa bezain arrakastatsua izatea espero da.

Hillary Duff 1987ko irailaren 28an jaio zen Houstonen, Texas (Estatu batuak). 6 urterekin bere lehen filmea egin zuen eta geroztik askotan hartu du parte. Baina “Lizzie McGuire” telesailari esker egin zen famatu mundu osoan. Diskoak ere atera ditu eta arrakasta handia izan dute. Gaur egun neska hau oso ezaguna da.

-Kaixo Hillary! Poz handia da guretzat zuri elkarrizketa bat egiteko aukera paregabe hau edukitzea. Zer iruditzen zaizue elkarrizketarekin hasten bagara? Ea ba, kontaiguzu, noiz hasi zinen lan honetan?

-Hain zuzen ere 6 urterekin egin nuen nire lehen filma eta nik esango nuke horduan hasi nintzela lan honetan, nahiz eta 2 urterekin hasi nintzen iragarkiak egiten.

-Zergatik aukeratu zenuen lan hau?

-Ez nuen aukeratu, kasualitatez izan zen. Kontua zera da, nire aitonak txalet eder bat zuen new York inguruan eta ni udaro joaten nintzen bertara aste betzuk pasatzera. Baina uda hartan Los Angeleseko zine produkzio enpresa batek dei egin zion aitonari ea txaleta filme bat grabatzeko utziko al zien eskatuz. Nire aitonak, nola ez, baietz erantzun zien baina trukean ni telebistan agertzea nahi zuela azalduz. Beraz iragarki bat egiteko dei egin zidaten eta nire gurasoek , talentu berezia sometu zidatelako, akademia espezializatu batean sartu ninduten.

-Lan honen bidea jarraitu ez bazenu, zein lan egitea gustatuko litzaizuke?

-Mediku izatea asko gustatuko litzaidake. Ilusio handia emango lidake larri zegoen gaio bat sendatu eta berak niri eskerrak emateak. Hori bai, gaixoari zerbait gertatzen bazaio…….. Eta gainera odola ikusiaz gero zorabiatu egiten naiz eta ziplo lurrera erortzen.

-Zenbat disko kaleratu dituzu? Besteren bat merkatura ateratzeko asmorik bai?

-Bost. Bost disko kaleratu ditut eta denak asko saldu dira. Horrek jendeari gustatu zaizkiola esan nahi du eta ni oso pozik jartzen naiz hori dela eta. Baina gehien saldu dena “Most Wanted” izan da. Orain beste disko berri batean ari naiz lanean baina ez presa askorekin, azkena, “Play With Fire”, duela oso gutxi kaleratu baidut.

-Zure azken filmean zure ahizparekin aritu zara lanean. Zer moduz moldatu zarete?

-Primeran moldatu gara. Beti eraman izan naiz ondo nire ahizparekin eta, nahiz eta batzuetan haserretu, berehala adiskidetzen gara berriz. Eta, filmeari dagokionez, ikustea gomendatuko nizueke!

-Kontxo, kontxo! Jada bukatu dugu elkarrizketa eta, nik bezalaxe, zuk ere ondo pasako zenuela pentsatzen dut.

-Horrela da, bai.

-Tira ba, mila esker Hillary eta espero dugu ez duzula gu harritze ori inoiz utziko. Hurrengorarteeee!!!! Eta zuek, gustatu al zaizue elkarrizketa?? Ba hurrengoan beste norbaiti egingo diogu galdeketa, beraz aguuuuur!!!!